Yfirheyrslan

Yfirheyrslan

1435
Deila
Kjartan Ásmundarson

Yfirheyrslan heldur áfram, nú er kynntur til leiks Kjartan Ásmundarson, oft og iðulega kallaður „FRÆNDI“ hann er ráðgjafi landsliðshópsins á ýmsum sviðum, gjörið svo vel….

  • Nafn? Kjartan Ásmundarson
  • Staða í liðinu? Ráðgjafi og Klappstýra
  • Kotrustig? 1529
  • Hvernig hefur undirbúningi þínum verið háttað? Hef spilað við kennsluforritið ExtremeGammon2, lesið „Backgammon for Beginners“ eftir Bill Robertie og „Backgammon“ eftir Paul Magriel, tekið þátt á landsliðsæfingum og spilað og stúderað með „Vélinni“ (Guðmundur Sveinsson)
  • Hvaða persónulega árangri í Budapest stefnir þú að? Ég stefni ekki á neitt ákveðið sæti heldur frekar að spila eftir minni bestu getu.
  • Hvaða árangri telur þú að raunhæft sé fyrir Kotrulandsliðið að stefna að á EM2015?
  • Við ættum óhikað að stefna á að komast áfram úr riðlakeppninni.
  • Varstu ánægður með Körfuboltalandsliðið á EM?
  • Strákarnir stóðu sig mikið betur en ég átti von á. Ég held að íslensku stuðningsmennirnir hafi átt stóran þátt í því enda báru þeir höfuð og herðar yfir aðra stuðningsmenn.
  • Ætlar þú til Frakklands næsta sumar?
  • Langar mikið en reikna ekki með því að ég komist. Fer þá frekar á eithvað kotrumót erlendis í staðinn.
  • Ef þú mættir velja einn mann í landslið, hverjum myndir þú bæta við?
  • Stefán Freyr Guðmundsson
  • Hvenær lærðir þú kotru?
  • Ég lærði mannganginn fyrir sirka 4 árum en mig minnir að mitt fyrsta mót hafi verið „Sveinstaðir Open“ júní 2014. Eftir það mót skildi ég hvað ég skildi lítið í kotru og hef síðan verið að vinna í því að verða betri spilari.
  • Ertu ánægður með liðsandann?
  • Já ég er ánægður með hann. Róbert Lagerman hefur haldið vel utan um hópinn og undirbúningsstarfið og hann hefur inleitt ásamt Kjartani Mack jákvæðni og bjartsýni í hópinn. En þar fyrir utan er andinn innan kotrusamfélagsins alls mjög góður.
  • Hversu miklu máli skiptir stuðningur áhorfenda?
  • Getur skipt sköpum við að halda sjálfstraustinu uppi að hafa góðan stuðning.
  • Er kotra ekki bara heppni? Eða er hún bara fyrir reiknismeistara?
  • „Heppnin er þeirra helsta vopn“ samkvæmt „Vélinni“. Heppnin hefur vægi en vægið minnkar eftir því sem leikurinn lengist. Svo er þetta blanda af rökhugsun og líkindareikni.
  • Hvernig viltu spila kotru? Ertu árásargjarn, varfærinn eða þar mitt á milli?
  • Ég hugsa að ég sé þarna á milli.
  • Finnst þér gaman að dobbla?Það er skemmtilegra að re-dobbla.
  • Hjúskaparstaða?Einhleypur.
  • Börn? Hvað heita þau?Barnlaus.
  • Hverjir vinna EM2015 í Budapest? Danir.

Eitthvað að lokum? Það væri gaman að sjá kotrusamfélagið stækka og styrkjast á Íslandi svo þetta góða starf Kotrusambandsins að undanförnu geti haldið áfram um ár og aldir.