ÍSLANDSMÓTIÐ Í KOTRU 10-13. SEPTEMBER

ÍSLANDSMÓTIÐ Í KOTRU 10-13. SEPTEMBER

712
Deila

Íslandsmótið í Kotru hefst með undankeppni miðvikudaginn 10. september kl. 18:00.

5 manns hafa þegar tryggt sér sæti í 12 manna úrslitum, svo spilað verður um 7 laus sæti á miðvikudag.

Í undankeppninni verða leikirnir upp í 5 og er spilað með “Triple elimination” fyrirkomulagi. Það þýðir að þegar keppandi hefur tapað þrisvar þá dettur hann út og þeir sjö sem standa eftir komast áfram.

Fimmtudaginn 11. september fara svo fram 12 manna úrslit. Dregið verður í tvo sex manna riðla og spilaðir leikir upp í 9.
Þar munu fjórir efstu úr hvorum riðli komast áfram í 8 manna úrslit sem spiluð verða laugardaginn 13. september.

Íslandmeistari verður krýndur í lok móts. Íslandsmeistari kvenna verður krýnd,
sem og Íslandsmeistari ungmenna 20 ára og yngri. Sá keppandi sem nær lengst í mótinu hlýtur þessi verðlaun.

Íslandsmeistari getur sá orðið sem hefur íslenskan ríkisborgararétt.

Verðlaun:

Íslandsmeistarinn fær ferð á Nordic Open, sem haldið er í Kaupmannahöfn um páskana.
Önnur verðlaun verða auglýst síðar.

*Ef að sigurvegarinn hefur ekki íslenskan ríkisborgararétt, þá hlýtur sá öll verðlaun,
utan ferðarinnar.

  • Íslandsmeistari kvenna: 8000,-
  • Íslandsmeistari ungmenna: 8000,- (Lágmarksfjöldi þáttakenda 4).

Spilað verður á Café Atlanta, Hlíðarsmára 3 í Kópavogi.

Þátttökugjöld: 2500,-
Yngri en 18 ára: 1500,-