„Gríski guðinn“ Adonis sigraði

„Gríski guðinn“ Adonis sigraði

865
Deila
Adonis Karaolanis "November-winner"

„VIKING-KOTRA“ aprílmánaðar fór fram í gær 9.apríl. Spilað var eftir nýju og hressandi fyrirkomulagi… Keppendur féllu úr leik eftir þrjú töp, og dregið var af handahófi í hverja umferð, leikirnir voru ávallt upp í þrjú stig. Mótið var mjög vel mannað, en m.a. þátttakenda voru Íslandsmeistarinn, Bikarmeistarinn, Deildarmeistarinn og fyrrverandi Íslandsmeistari.

Adonis Karaolanis "Apríl-Viking"
Adonis Karaolanis „Apríl-Viking“

Adonis Karaolanis horfði framhjá hjá öllum titlum og sigraði Íslandsmeistarann Róbert Lagerman í úrslitarimmu um titilinn „Apríl-Viking“ eftir harða keppni. Adonis er grískur að uppruna, en fluttist til Íslands ungur að árum og stofnaði fjölskyldu hérna með íslenskri konu. Í stuttu viðtali við blaðamann Kotrusambandsins tjáði Adonis okkur að kotra væri geysivinsæl á Grikklandi meðal almennings, og myndast oft skemmtileg stemmning á kaffihúsum á Grikklandi þegar kotra er spiluð, en þar í landi er kotra stundum kölluð „Tavli“ Sumir vilja ganga svo langt og kalla Grikkland „Mekka“ kotrunnar.

Gríski guðinn "Adonis"
Gríski guðinn „Adonis“

Á döfinni hjá  K.Í. í apríl-mánuði, eru tvö stór mót, annað er „Satellitemótið“ en tvö efstu sætin þar gefa  þátttökurétt á sjálfu Íslandsmótinu, og svo er „Stofu-kotra“ mót á léttu nótunum. Bæði þessi mót verða auglýst í mótadagskrá Kotrusambandsins mjög fljótlega, svo fylgist vel með og missið ekki af spennandi mótum. Kotrusambandið óskar „Gríska guðinum“ og „Íslenska víkingnum“ Adonis innilega til hamingu með titilinn „Apríl-Víking“